Aulki Zuriak partiduak jarduten eta aldarrikatzen duen legez, Italiako Movimento 5 Stelle-ko buruak, Beppe Grillo, izandako hauteskunde emaitzagatik dagokion diru publikoari uko egingo diola iragarri du, eta gainontzeko burukide politikoei gauza bera egiteko exijitu die, batez ere Partito Democratico-aren buruari, Pierluigi Bersani. Horrelakorik ez da inoiz gertatu italiar politikan, Europan gauzak aldatzen ari diren seinale da, eta ez du bakarrik agerian uzten Europako hiritarrak oraingo krisialdiarekin ez daudela batere konforme, baizik eta gai direla betiko partidukrazia europarrari aurre egiteko.
Hori ez da kasu bakarra, Aulki Zuriak partiduak azpimarratu nahi du gurea bezalako beste alderdi batzuk badaudela Europan zehar, esate baterako Frantziako Parti du Vote Blanc, eta antzerako partiduak Erresuma Batuan, Belgikan eta Herbehereetan, eskainu hutsen bidez jendearen atsekabea erakustea dute helburu.
Aulki Zuriak-en estrategia aldarrikatuz, hau da, lortzen diren eskainuak hutsik uztea eta diru laguntza guztiei uko egitea, 2014ko maiatzaren 25eko europar hauteskundeetara aurkeztuko garela iragarri nahi dugu, eta benetako sufragio unibertsala lortzeko Historiako lehenengo partidua izateko etengabeko ahaleginak egingo ditugu.
